sábado, 17 de septiembre de 2011

UN DIARIO EN PAPER.LI

sábado, 3 de septiembre de 2011

ASCLEPIOS E OURENSE

Ante diem tertium Nonas Septembris MMXI A.D., é dicir, 3 de setembro do 2011 Ano do Señor segundo o Calendario Gregoriano. De terse mantido o Calendario Xuliano, hoxe sería 21 de agosto pero dende que o 24 de febreiro do ano 1582 o Papa Gregorio XIII dictara a bula Inter Gravissimas pola cal substituía o vello calendario xuliano gran parte do mundo ríxese na actualidade por este modelo.

Cal é a relación do día de hoxe co título do post? e cal é a proposta que vos fago en relación á Civitas Auriensis?

Na antiga Grecia celebrábase unhas festas coñecidas como "Asclepeia" en honra a Asclepios (Esculapio para os romanos) deus da menciña e a curación, gran sabedor das prantas mediciñais e cuxo símbolo era una serpe enroscada nunha vara, o que se coñece como a Bastón de Asclepio ou comunmente como Vara de Esculapio.

O deus Asclepio (Esculapio) co seu símbolo, unha serpe enroscada nun bastón.

Na Roma antiga este festividade continuou a celebrarse e denominábase Epidaura que se celebraba nas "ante diem tertium nonas septembris", é dicir, un 3 de setembro coma hoxe.

Teatro de Epidauro, Grecia. Con capacidade para 14.000 espectadores acollía as Asclepeia.

En ocasións a Vara de Esculapio é confundida co Caduceo de Mercurio e en menor medida coa Copa de Hixía. Tanto o primeiro coma o último simbolizan a profesión médica ou establecementos vinculados á menciña. O segundo, o Caduceo, simboliza a profesión do comercio ou o mercado que por un erro histórico chegouse a asociar coa profesión médica.

1. VARA DE ESCULAPIO - 2. CADUCEO DE MERCURIO - 3. COPA DE HIXÍA

Achegade ao correo do blog fotos que amosen os detalles dos símbolos en edificios da nosa cidade incluíndo o nome do edificio. Boa sorte!

jueves, 1 de septiembre de 2011

LA IBENSE

Alá polo ano 1946 abría un dos establecementos populares ourensáns na rúa José Antonio, hoxe rúa do Paseo (tamén foi de Paz Nóvoa e de Calvo Sotelo ao longo do s.XX). Era "Helados La Ibense".

Foto Pacheco en www.ourensenotempo.blogspot.com

Hoxe, trala volta das vacacións, non puiden atopar mellor asunto para a entrada que esta referida a un dos meus lugares frecuentados na infancia, na mocidade e na madurez. Xeados de mantecado, de fresa ou chocolate que a miña avoa ou os meus pais me mercaban cando era neno a principios dos 70. A nata montada dos domingos ou o chocolate con churros, que delicia!!. Así ata os meus fillos, todo transcurría con normalidade. Despois de moitos rumores e secretos a voces certo día  o establecemento, despois de 64 anos de servicio, pecha por xubilación. Era un 1 de febreiro do 2010. Outro dos locais históricos desaparece sen que ninguén lle bote man. Un batacazo!!

Foto: esquerda e centro flickr_rodcasro. Foto dereita: José L. Guede

Ourense is different. Ninguén se imaxina Santiago sen o seu famoso Derby. Madrid sen o Gran Café Gijón no paseo de Recoletos. Oporto sen o Majestic. Lisboa sen A Brasileira. Venecia sen o Café Florian da Piazza de San Marcos. Roma sen o Café Greco da vía Condotti. París sen o Café Procope na rúa da Antiga Comedia, o Café de la Paix no boulevard des Capucines ou o Café de Flore no boulevard de Saint Germain. Viena sen o Café Central. Budapest sen o Café Gerbeaud. Todos eles lugares emblemáticos. Cecáis La Ibense non chegase por historia, decoración ou ubicación a xogar na mesma "división" que estos outros establecementos, pero desaparecido o Volter, o Auria, Hotel Roma, La Bilbaína, El Miño, Iberia, La Unión, Regio e demáis cafés e edificios emblemáticos da nosa cidade. Que se pode dicir? Yes it is, Ourense is different!

Hoxe 1 de setembro do 2011, 18 meses despois, inauguran unha nova tenda -franquicia- dunha firma internacional fundada na década dos 90 polo italiano Mario Moretti Polegato. Geox, nome que une Geo (de xea=terra) e un X como símbolo da tecnoloxía. A modo de lembranza obsequiaron cun xeado a todos os curiosos que por alí asomamos, símbolo do que nun tempo foi e por desgraza non puido ter sido.
Related Posts Plugin for WordPress, Blogger...

ACLARANDO COUSAS

Iste espazo pretende ser un lugar de aportación e intercambio de experiencias amáis dunha proposta motivadora de integración das tecnoloxías ás clases de ciencias sociais, dentro e fóra do centro educativo. Desexo que este punto de encontro virtual sexa enriquecedor e motivante para a vosa -e a miña - formación.

Tódala información, imaxes, enlaces ou contidos neste blog teñen única e exclusivamente unha intencionalidade didáctica cuxa función é meramente educativa. No caso de que calquera persoa considere que se vulneran os seus dereitos de autor pódese dirixir ao autor do blog na seguinte dirección csjguede@gmail.com
para solicitar a retirada de inmediato do material que considere da súa propiedade intelectual.

DEIXÁRONSE CAER